لاہور اور اسلام آباد سے کراچی پہنچنے والی پی آئی اے کی ایک پرواز 40 منٹ چکر کاٹنے کے بعد لینڈ کر سکی جبکہ دوسری پرواز فیول ختم ہونے کے خدشے کے پیش نظر کراچی ایئرپورٹ پر اترنے کی ناکام کوشش کے بعد فیول ختم ہونے کے خطرے کے پیش نظر سکھر لینڈ کر گئی ہے۔
سول ایوی ایشن ذرائع کے مطابق اب کراچی کا جناح انٹرنیشنل ایئرپورٹ پر پروازوں کی آمد و رفت کے لیے کھول دیا گیا ہے۔
لاہور سے کراچی پہنچنے والی ایوی ایشن ذرائع کے مطابق پی کے 301 نے جناح انٹرنیشنل ائیرپورٹ پر لینڈنگ کی کوشش کی، اس وقت کراچی میں شدید بارش ہو رہی تھی اور موسم کی خرابی کے باعث پائلٹ نے طیارہ واپس اڑا لیا۔
سول ایوی ایشن ذرائع کے مطابق ایئر بس اے 320 نے اس کے بعد ایئر پورٹ کے اطراف کئی اطراف کے چکر لگائے مگر فیول ختم ہونے پر یہ پرواز سکھر روانہ ہوگئی جہاں یہ پرواز باحفاظت اتر گئی۔
پی آئی اے ذرائع کے مطابق سکھر ایئرپورٹ پر پی کے 301 کی ری فیولنگ ہو رہی ہے اور کراچی کا موسم بہتر ہونے کا سگنل ملتے ہی پروانہ ہو جائے گی۔
پی آئی اے کی اسلام آباد سے کراچی پہنچنے والی پرواز پی کے 303 کو بھی دشواری کا سامنا کرنا پڑا، شدید بارش کی وجہ سے پائلٹ پی کے 303 کو کراچی ایئر پورٹ کے اطراف 40 منٹ پرواز چکر لگائے جس کے بعد پرواز باحفاظت لینڈ کر گئی۔
سول ایوی ایشن ذرائع کے مطابق اب ایئر پورٹ پروازوں کے لیے محفوظ ہے اور جہازوں کی آمدورفت شروع ہوگئی ہے۔
